Wednesday, September 20

درس ايرانى اتعلمناه اضرب الامريكى على قفاة يفعل لك كل ما تتمناة

اخيرا فى حد فهم اللعبةّ اخيرا فى حد مسلم قدر يدخل السيرك السياسى وعرف يلعب معهم على نفس الوتر ويلعب نفس اللعبة لعبة خد وهات ودا الجديد فى الموضوع ان فيه رد فعل مضاد يعنى زى ما الامريكان بيشتموا فى حد بيرد عليهم و بيلعن سلسفيل جددهم
وفى اعتقادى انا ان من اسباب عدم رد الامريكان على الهجوم الايرانى المتكرر انهم مش واخدين على الوضع دا طبعا انا اقصد فى ظل الثبات الشتوى لحكامنا الى ماشى طول السنه صيف و شتاء وربنا موجود وهو قادر على كل حاجه

ممكن اكون انا سبقت الاحداث شويتين وحد يقولى طيب ماهو ممكن امريكا تضرب أيران حقولوا ايوة بس الكلام دا مش قبل حصار اقتصادى كام سنة الاول زى ما عملت مع العراق و دا طبعا مستحيل فى الوقت الحالى لان ايران تحتل موقع ممتاز فى قائمة الدول المصدره للبترول وطبعا دا حيرفع اسعار البترول الى اسعار جنونية و ماننساش دعم الدب الروسى والعملاق الصينى ومحاولتهم استعادة بعض الهيمنة و اساسا امريكا مش عارفة تخرج من العراق حتدخل ايران دا يبقى جنان
و انشاالله ربنا يرحمنا وتعدى على خير
Post a Comment