Saturday, October 14

قال و كنا بنتكلم على فرنسا

انا مش عارف الواحد حيلاقيها منين و لا منمين من كام سنه لما حصل موضوع الحجاب فى فرنسا قامت الدنيا و ماقعدتش مظاهرات و ناس بتتكلم و مش عارف مين عمل ايه و حاجات كتير كدا المهم ان الكلام كان على فرنسا و قلنا الناس دى مش فهمين و اليله كان معروف اولها من اخرها انما الجديد دلوقتى حاجه اسمها ظاهرة الحجاب فى تونس و المختصر الى مش مفيد ان الحزب الحاكم فى تونس بيحارب الحجاب ووصفه بأنه لباس طائفي دخيل و ان الحكومه تقوم بملاحقة البنات المحجبه فى الجامعه علشان يخلعوا الحجاب وطبعا يا جماعه كل دا ليه اكيد مش علشان الحجاب بيعمل حر لا علشا ن الحجاب بينال من المكاسب التي تحققت للمرأة التونسية ودا كلام واحد مسئول ماتعرفش هو مسئول عن ايه بس اهو الواحد يديلوا احترامه

و احلى حاجة فى الموضوع ان الصحف شغاله و رفعا الاريال و الحياه حلوه و فى جورنال اسمه الصباح بيقولك ايه بقى

اللباس الطائفي.. الخمار والنقاب والحجاب مظاهر لاتمت لمجتمعنا بصلة وفيها خطر على كياننا الاجتماعي

وشبهت نفس الصحيفة المتحجبات والرجال أصحاب اللحي "بأصحاب الكهف الذين استفاقوا من سباتهم بعد قرون طويلة

يعنى الموضوع مالوش دعوة بالحجاب بس

انا اعصابى تعبت انا نازل اقف مع صحابى علشان انا لو كملت حافطر فحرام خلينى اكمل صيامى احسن و ربنا مفيش اكرم منه



Post a Comment