Tuesday, November 28

أهدا و قول انا هادى

اهم حاجه فى الدنيا الهدوء و مش فاهم ليه كلنا مفتقدين الهدوء الواحد بينزل الصبح من البيتوهو كله امل فى يوم لذيذ لكن مجرد مابتعدى رجله عتبت الشقه يبداء يكره حياته من اول التراب و سواقين الميكروباص و التاكسى الى استحاله يقف الا لما تبوس ايده و ياعينى عليك لو ركبت المترو حتنزل منه و انت مغير معتقداتك تمام و فى حاجه احننا ببنفرد بيها هنا فى مصر عن كل بلاد العالم اننا الشعب الوحيد الى المشاه بيعدوا الشارع و الاشاره حمرا و انا بعتبر ان دا انجاز علشان اخيرا احنا مختلفين و بعد لما تعدى الشارع و الاشاره حمرا و القصص الملونه دى تروح على مكان شغلك او دراستك و الاحساس الوحيد الى ممكن تحس بيه ان المدرس او مديرك او حتى دكتور الجامعه اكل معاك من نفس طبق الفول الصبح و طبعا كدا اكيد اتفهم اليوم اخرته ايه دا غير ان كل حاجه بقيت غاليه نار و الاعلانات الغبيه و المذيعات الاغبى و البرامج الهايفه و حورات وسط البلد و الديلرز الى بقوا اكتر من الاكشاك فى الشوارع و دا بقى طبيعى لان سن شرب الحشيش بقى 12 سنه و حالة الغباء السياسى الى احنا عايشنها بس برضوه كل دا مش حايخلينى اتنرفز و الحل الوحيد انك تقف كل يوم قبل لما تخرج من باب الشقه و تقول انا هادى و بعدين تخرج و تلاقى التراب و السواقين و و و و ربنا يرحمنا برحمة
Post a Comment