Saturday, December 9

أبو بلاش بلاش منه



كنت باكل فى بيتزا من قريب كدا المهم طلبت مارجريتا و الراجل قالى ليك 3 اضافات مجانا طبعا ولا هم مجانا ولا نيله المهم قالى تطلب ايه يافندم روحت انا قلتلو مشروم و سلامى و زيتون و اساسا انا نسيت انى طلبت مارجريتا علشان ماليش مزاج اكل حاجه مع البيتزا مجرد كلمة مجانا فتحت فى دماغى باب دا ببلاش اغرف منه مع انى مش محتاجله وهى دى المشكله ليه دايما مانخدش الا الى احنا محتاجنلوا بس ليه دايما اول لما بتيجى فرصه بنحاول نخطف كل الى ممكن نخطفه من غير منفكر احنا محتاجنله ولا لا

افتكرت لما كنت فى حفله تبع المركز الثقافى اليبانى من كام سنه وكان البيفيه فيه ما لذ و طاب من فواكه البحر و طبعا انا كان نفسى اكون ماشى ومعايا سرفيس مش الطبق المحندق الصغيور الى كان معايا احلى حاجه بقى كانت الضيوف اتخن واحد فيهم كان مالى ربع الطبق و ماشى مكسوف وحسيت ان الناس دى عارفيين احادييث سيدنا محمد صلى الله عليه و سلم عن الاكل و ازاى علمنا ناكل و مانخدش اكتر من الي احنا محتاجنله وفى نفس الوقت اتفرج بقى على اى فرح مصرى من اى طبقه اجتماعيه يتخبط صحابه فى دماغهم و يفتحوا البيفيه للجمهور و طبعا اكيد كلكوا عارفيين باقى الحكايه والحرووب الى بتحصل على الاكل وخد بقى فى السكه الجمعيات الاستهلاكيه و افران العيش و ادوية التاميين الصحى على فكره دا مش طمع او فجع انما دا جهل او ممكن نقول غباء اجتماعى و يا ريت اى حد فيه الطبع دا يبطالوا علشان الحاجه الى انت بتاخدها دى و انت مش محتاجلها اكيد تخص حد تانى واكيد برضوه هو محتاجلها و ربنا مافيش اكرم منه

The photo from the cool hunter

Post a Comment