Wednesday, December 27

كل سنه و انتم طيبين و خلاص





كل سنه و انت طيب يا أتش
كلمة قالهالي واحد صاحبى انهارده
رديت عليه تلقائي
و انت طيب
اه صحيح دا فى خروف و كدا
دا العيد قرب

و شويه الاموره جات
ميرى كريسماس يا مان
و برضه التلقائيه اشتغلت
ربنا يتمم بخير انشالله
و اذ فجاة اكتشف ان فاضل يوميين على ام راس السنه
يااه السنه عدت هواااااا
بحلوها و حربها
بفرحها وحزنها
ياريت ماتكنش عدت من غير ماناخد حاجه منها
مش هى دى 2006 الى كان عاملنلها زيطه السنه الى قبلها
لما نشوف ياسيدى ايه الى حصل فى وقتها

اول حاجه جات فى دماغى
بطولة افريقيا و الى احنا عملناه فى الشوارع بطولها وعرضها


و طبعا السلام 98 و عدد الضحايا و الذى جاء فى الترتيب التانى بعد تيتانك



وكاس العالم



عارف عارف انا ماكنتش عايز ايطاليا تاخده علشان كدا انا قررت ان فرنسا تاخد الكاس السنه دى
و الى مش عاجبه يشرب من المالح

و افتكرت لبنان و حربها
وكام واحد مات على ارضها
و كام بنت و كام واد اتقتلوا فى عز ظهرها
فى قانا فى بعلبك فى صيدا
ضربوا لبنان كلها
فى جنوبها قبل شمالها
فى شرقها فى غربها
ولاد الكلب ضربوها
علشان شافوها واقفه لوحدها
علشان الحكام قالوا دا ماكنش وقتها
يوم الحساب قرب و حنشوف بعيننا حيقولوا ايه لربها
بس حزب الله هو الغالب لو اجتمعت الارض ضده
من شرقها ل غربها


هو في ايه تانى حصل

والله مانا فاكر

اتسرشيت على النت علشان افتكر لاقيت مصايب
مش عارف مين مات و مين قلب نظام الحكم فين ومين استولى على كرسى السلطنه فين و مين ولع في مين و مين قتل امه علشان 5 جنيه و مين و مين و مين
الناس مش طايقه بعضها

ماهو اكيد السنه دى حصل فيها حاجات حلوه

ايوه استنوا حقولكوا


انا حبيت بجد
دا ممكن مايكنش خبر مهم ليكوا بس مهم ليا
و بما ان الى يهمنى يهمكوا
حتقروا الى انا كتبوا غصبن عنكوا

انا شوفتها ووقعت فى حبها و مقدرتش اهرب منها وهى بس الى خلتنى احفظ اسمها علشان كدا قررت اخلينى جمبها
علشان ماحدش تانى يخطف قلبها



خبر تانى حلو

اممممم اختى الاصغر منى اتخطبت و خطيبها واد رجوله فاهم الفوله وخفة دمه مش معقوله


ايوه كمان انا عملت شغل جامد مع اصحابى بعد توقف دام اكثر من ثلاث سنوات



و رمضان طبعا كان احلى حاجه عديت علينا



و بدأت التدوين السنه دى و حاسس انى مش حابطل اكتب الا لما اموت

و السنه دى بدأت اكتب الكلام ورا بعضه و دا انا بعتبروا خبر مش مفرح لانى فى اعتقادى انى باساعد فى تلويث اللغه العربيه

و اتعرفت السنه دى على اصحاب جامديين كنا دايما راييقين و على طول مطنشين و مش فارقه معانا شمال ولا يمين ادينا ماشيين و ماطرح ماالسكه تودينا حنروح واحنا راضيين

اتصدقوا السنه دى حصل فيها حاجات جامده

عرفت الواد مومو السنه دى



واخت الواد ماندو اتخطبت السنه دى

و الواد سامح خطب السنه دى

و عيد ميلادى كان السنه دى

و اتغيرت انا كتير السنه دى

و كفايه كدا السنه دى

انا مش فاهم مين الى حايجيلوا قلب يقراء لحد هنا




Post a Comment