Thursday, February 1

صورة و لعبة





صورة على الماشى والموديل أختى الصغيرة وهى عندها 9 سنين

**************************************************************


تحديث الاباصيرى خبطنى تاج تانى و اجاباته هنا فى نفس البوست


ورطنى محمد عبد الغفار فى المشاركة فى لعبة بعد ان ورطه كبير المتشردين ودينا فهمى قبلها و اللعبة تتلخص فى ان اذكر خمسة أشياء لا يعرفها أحد عنى وطبعا هم يقصدوا خمس فضايح لايعرفها احد عنى و بعدين أرشح خمسة أشخاص علشان يفضحوا نفسهم و على طريقة اللى ما يشترى يتفرج حنلعب و أحب اتوجة بالشكر لكل من ساهم فى أيصال هذة الفضايح للجماهير اللى مش غفيرة وبجد فكرتنى بأيام حلوة يا محمد



(1) من فترة كنت معزوم فى فرح اخت واحد صاحبى وانا لابس و متشيك و شعرى جامد و كل حاجة كانت تمام و انا داخل الفرح كان كل اصحابى البنات والاقارب و الاحباب وقفيين مستنيين العروسة و كان نظام الفندق ان كل اصحاب العروسة و كل بنات الفرح يعملوا نصف دايرة و يستنوا العروسة بره و الكل واقف مستنى و انا داخل و راسم الوش اللى مش مهتم و امام اكثر من 50 بنت كانوا واقفيين زى الملايكة روحت انا هوب عامل نصف دايرة فى الهوا ولا بتوع الايروبكس و افترشت الارضية و عايز اقلكوا ان فى بنت فستنها اتقطع من كتر الضحك و واحدة تانية كانوا حيطلبولها الاسعاف من كتر الضحك واالى تقع و اللى حيغم عليهاو طبعا كان لى الشرف ان الزفة بازت بسببي لانى فضلت قاعد فى الارض وقافش جدا ومش راضى اقوم الا لما يبطلوا ضحك


(2) مكنتش صغير اوى لما حصل الموقف دا كان فى مسلسل كرتون بتاع عربيات سباق و انا كان عندى عربية سباق بالريموت كانت جايلى من بره و ساعتها كانت أختراع جامد المهم فى الزفت الكرتون كانت العربيات بطلع نار و هى ماشية انا قفشت معايا لية عربيتى ماطلعش نار و هى ماشية و عنها و روحت داخل المطبخ و مطلع علبة الورنيش بتاع الخشب و روحت ماسك الفرشة و مولع فيها و دهنت العربية كلها .......... و بس طلعت بيها طلعه فى الشقة و هى كانت الطلعه ....... الحمد لله محصلش خسائر فى الارواح و بجد أمى كانت بتحب الستايير اوى


(3) انا براوى شويتيين يعنى انا بحب اصحابى جدا جدا بس كل فين و فين لما بتصل بحد و فى ناس كتير بتزعل من الموضوع داا بس بجد انا مش بيكون قصدى انى ماتصلش او بمعنى اصح انا مش بعرف استخدم التليفون


(4) أول بنت ارتبطت بيها كنت فى تانيه ابتدائى وفعلا انا كنت بحبها جدا



(5) الحاجة الخامسه هى حكايتى مع إدوارد لويس جوزيف واللى حتقروها فى البوست الجى




بما ان كل البلوجرز المصريين لعبوا اللعبه انا حارشح مدونات من دول عربية مختلفة و هم

أدم الصالحى من تونس

نسكافيه من الكويت

ماشى صح من السعوديه

تارا من العراق

*************************************************************
مسيرى يوم حاشوفك يا اباصيرى

ايه اللي هيحصل لايميلك بعد ما تموت؟

دا على اساس انى حاكون فاضى بعد مااموت و بفكر فى الايميل
ماياكش يولع الايميل


اديت الباسوورد لحد قبل كده؟

ايوة 9 مرات


لو اه كانت طبيعة علاقتك بيه ايه؟

علاقة مشروعة


اسمك؟
أحمد

اسم الدلع المشهور بية وسط أصحابك؟
H


عمرك؟
23



البرج؟

ميزان


مجال دراستك؟

هندسة اتصالات


شخصيتك نوعها ايه؟

هادئ
متسرع
مجنون


السفر بالنسبة لك؟

جامد جدا طبعا ومن الاساسيات فى حياتى


المود بتاعك؟

دا على حسب الموقف بس انا مش من النوع اللي بيقلب على طول


الأكلة المفضلة؟

انا بحب كل الاكل و عمرى ماقول لا على اى اكل
بسله
فته
اى حاجة خضراء
الفول على العربية


وقت فراغك بتعمل فيه ايه؟

أنترنت
تصوير
خروج


الصفات اللي اخدتها من بابا؟

التسامح و
نشوفية الدماغ



الصفات اللي اخدتها من ماما؟

الهدوء والثقة بالنفس بلا حدود


أكتر 6 حاجات بتكرهها؟

اشمعنى 6 يعنى !! المهم

عدم النظام

الاستغلال

التواكل

عدم الاهتمام المقصود

الطمع

ان واحد يكون معاه ثمن تذكرة المترو و ينط من فوق المكنة


أكتر 6 حاجات بتحبها؟

اهلى

اصحابى

شغلى ينجح

مساعدة اللى محتاجين مساعدتى

اكيد الانترنت

عربيه مينى كوبر

الشغل بالنسبة لك؟

حياتى

الانترنت و الكمبيوتر بالنسبة لك؟

وسيلة من وسائل المواصلات بلف العالم كله من خلالهم



مش حارشح حد تانى كدا كفاية

Post a Comment