Tuesday, February 20

تدوين ليوم الدين

سيداتى انساتى سادتى فى أطار تعاون وزارة الشباب و الرياضة و وزارة الاتصالات نقدم لكم تلك المقابلة التى اجرتها سمرا النيل مع الاستاذ العلامة الدكتور احمد اندرسكور أتش و التى ننقلها لكم على الهواء مباشرة من استاد المحلة الكبرى بتوقيت اول فيصل



اسم مدونتك؟

اللى ماتتسماش

لماذا اخترته.. ماذا تقصد به؟

فى الاول نسيت اسميها وبعدين محبتش احبس افكارى فى أسم معين ممكن يكون له دلالة عند احد و ليس له دلالله عند حد تانى فقررت ان اتركها كدا بلا اسم حتى اشعار اخر

هل فكرت في إغلاق المدونة.. والسبب؟

استحالة اقفلها طول منا عايش تقدرى تقولى الحياة معايا تدوين ليوم الدين و السبب تخيلى كدا حد جابلك ميكروفو ن و قالك حاولى تغيرى فى البلد دى

صورتك ف المدونة، رمزيتها؟



صورتى و انا مغمض عينى و تقريبا معناها انى بفكر و الله اعلى و اعلم


طبيعة كتابتك في المدونة بشكل عام.. سياسة.. قصة.. عبث.. كلام فاضي؟

مفيش اتجاة معين لكتاباتى و دائما بحاول احترام اى واحد بيدخل عندى بس اكيد مش بكتب كلام فاضى


لماذا تدون أصلا ً؟

علشان افكارى توصل
ا
أحلى جملة قيلت لك في وصف مدونتك؟

بجد انا بحب النقد اكتر من كلمات الاعجاب

التعليقات بالنسبة لك.. أهميتها ؟

علشان اعرف رأى الناس فى شغلى و ياريت حتى لو شغلى معجبش و حد كتب تعليق فى نقد بفرح جدا علشان بقدر احسن من نفسى المرة اللى بعديها

أحلى بوست كتبته.. ضع اللينك.. ثم اذكر لماذا ؟

احلى بوست كتبتة هو اخر بوست قبل الموضوع دا وهو موضوع متلازمة الخوف لانه اطول بوست تقريبا أكتبه و كتير حذرونى ان مفيش حد حيقراه و طبعا بما انى كنت واثق فى اللى انا كتبه فى ناس كتير قريته و هو دا المهم
أفضل مدونة قرأتها.. يمكن اختيار عدة مدونات ؟

الوعى المصرى


هل خسرت صديق بسبب كتابة هنا ؟

لو الكتابة حتخسرنى صديق يبقى احسن اخسر الكتابة

حد قل أدبه ف التعليق.. إيه رد فعلك ؟

لسة محصلش

أسوأ بوست.. لازم تجاوب.. ويسمح بتعدد الاختيارات ؟

نوعا ما اللى مش حيعجبنى حيعجب غيرى علشان كدا مش احب اقيم شغل حد تانى

أسوأ مدون.. ما هو حاتجاوب حاتجاوب ؟

بالنسبة للمدونات اللى شفتها فالمدونات السيئة كتير بس لو حنتكلم على المدونات المصرية اظن ان علاء البمبى يفى بالغرض


كان معكم سمرا النيل من امام التابعى وسط البلد بعد اللقاء التاريخى مع أتش و الان ننتقل على الهوا مباشرة لستديو خمااشر برضه على الهوا لنذيع اليكم الخطبة التى المشتركة بين محمد جمال مبارك وحمادة بشار الاسد فى أطار التعاون بين كل الارضى المحتلة فى استرجاع ارضيها فا الى هنـــــــــــاك
Post a Comment