Tuesday, February 27

أخر الشارع يا أسطى

تاكس
رايح على فين يا برنس
اخر الشارع
حاخد 5 جند
خدك ربنا يا بعيد
اقفل بابك كويس
اوك
و ايه اخبار المزز
بصتلوا و انا مش فاهم
راح قالى المزز المزز
اه منا عارف كويسين
معجبتوش الاجابه
مفيش حاجه علينا_ عايز يشرب مخدرات
لا انا مابدخنش
و الله يا برنس خير ماعملت_بيتكلم و بيولع سيجاره
اصلها حرام و صحه و فلوس على الفاضى
انت عارف انا كنت بطلت بس محمود جوز منال اختى عزم على بسوجاره فى عزا واحد جارنا_مش عارف ليه مقليش اسم جارهم مع انه قالى اسم منال و جوزها يمكن يكون علشان خلاص بقيت من العائله
ربنا يتوب عليك منهاا
ادعيلى يا برنس
طيب ماتبطل انت و انا ادعيلك
انشالله انا ناوى
انشاالله
بقولك يابرنس ماتش الاهلى امتى
و الله مش فاكر بس باين بعد بكره
انت حاتتفرج على الماتش فين
مش عارف لسه بس احتمال ماتفرجش لو مش فاضى
اتخنق منى و فضل ساكت شويه
و بعدين بصلى شويه و قالى و انت بتشتغل ولا بتدرس
قلتلوا بشتغل
فى ايه
نجار
نجار!! فين
نجار شباك
عندك ورشة
لا انا ارزقى
الراجل بصلى و عايز يقولى انت كداب
مايغركش القميص و كدا أصل انا نازل أقابل
ايوة بس هنا

نزلت و انا بلعن الدماغ الفاضية
و حاولت أتخيل فى كام واحد زى أخينا فى البلد دى
Post a Comment