Tuesday, March 13

العدد يساوى 60



طبعا حتكلم عن اللقاء الثالث للمدونين المصريين و الذى قفز عدد الحضور معة الى الرقم
60

علشان مكررش كلام الناس اتكلمت فيه حتكلم فى نقط

  • العدد زاد ل 60 مدون
  • تقريبا عدد الرجال كان يساوى عدد الجنس اللطيف
  • اللقاء كان يحوى اكثر من تيار فكرى
  • شهد اللقاء حضور اصغر مدون الواد محمد العيل الشقى
  • الفنان حسنى سليمان قالى يا واد يا أحمد تعرف تمسك كاميرة فيديو و خلنى أصور اللقاء لحسابة
  • ياسمين كانت متألقة كالعادة وصوتها راح فى الكلام و أخر اللقاء خليت كل المدونيين اللى فضلوا يدوروا على جراب الكاميرا
  • تحية خاص للدكتور مجدى والد أثنين من المدونين و الذى حضر معهم أول اللقاء ثم تركهم ليكملوه معنا
  • تخيلوا شوفت توتا و معرفتش انها توتا الا لما مشيت
  • محمد عبد الغفار مقدرش يجى لمرض والدة نتمنى له الشفاء العاجل قولوا امين
  • الدبور جه طاير من الاسماعلية و شادى فايد جه راكب من أسيوط
  • روحت اللقاء انا و عمر احمد و أنجى و قابلنا وينكى فى السكة
  • اسمتعت و انا بتكلم مع بيشوى وشاركنا سفاح كرموز
  • محمد مصر هى امى منسيش يعلق على اخر بوست ليا
  • اللى مجاش خسر انه متكلمش مع العزيز أيلارى
  • أحمد فؤاد كان معترض على اللقاء
  • محمد كلمة كان بيحاول يوضح فكرة احمد فؤاد
  • محمد حامد كان بيروج لحفلة الصحبجية
  • كل الناس كانت بتتفرج علينا و بيسألوا مين البشر دى
  • عزة الياسيرجى جات اتكلمت معانا و سألتنا على كريم عامر
  • مكسوفة استحوذت على اكثر من 30 دقيقة من المناقشات
  • كسبت معرفة هانى جورج
  • أكيد هانى جورج كسب معرفتى
  • مايكل محسن كان منور و حاول يوضحلى انه متهاش المرة دى
  • دوللى كانت تستمع الى الاخرين
  • الاخريين اللى هم المدونين المتحدثين
  • المتحدثين اللى هم ياسمين و شقير و حسنى سليمان و أدم و سفاح كرموز و احمد فؤاد
  • أدم المصرى مطلعش اسمه أدم
  • سهر الليالى لم تكمل السهرة معنا لارتباطها بميعاد
  • أيمن راسبوتين فضل واقف طول اللقاء
  • فى حوالى 20 مدون تانى ملحقتش اتعرف بيهم
  • شربت نسكافيه و كان بارد و شربت ينسون وكان جامد
  • مصورتش ولا صورة واحدة
  • واحد من الناس كان فى وسط الناس
  • أنجى سمرا النيل تقريبا كانت عارفة كل الموجوديين
  • أيهاب ايجلز حضوره كان مميز
  • حاولت انى أروج كتاب أبراهيم معايا عن طريق عرض اربع نسخ هدية للى يشترى نسخة واحدة بس هو مكنش معاه نسخ كفاية
  • أكبر مكسب ليا كان فى تركى للمكان مع أحمد شقير و لمن لا يعرف فانا من أشد المعجبين بعقلية هذا الرجل
  • أكيد انا لم أذكر كل الحاضريين لان مخى مش دفتر و الناس بسم الله ما شاء كانوا كتير أوى

فى ناس معجبهاش اللقاء وانتقدتوا ودا مفيد جدا علشان نغير النظام بعد كدا و فى ناس كانت شايفة فيه مكسب جديد زى انا مثلا بس فى النهاية يبقى اننا اتقابلنا و انشالله فكرة اللقاء اللى جى حتكون مختلفة و حيتنظم كويس جدا

أنا مش بحط لينكات للمدونات لأن اللى مجاش و تعب نفسة علشان يشوفنا لازم يتعب شوية علشان يعرفنا


Post a Comment