Friday, September 14

مبارك عليكم الحكم !! قصدى الشهر

اللهم عافنا و أعفو عنا
أمين
اللهم أحمى مصر من الفتن و سائر بلاد المسلمين
أمين
اللهم ارزق قائدنا الصحه و العافيه
!
مره واحده حسيت ان الشيخ اللى بيصلى بينا التراويح أنهارده أتجنن او أتخبط فى مخه !! الراجل بيدعى بيقول ا للهم ارزق قائدنا الصحه والعافيه !! يعنى انا مش فاهم الراجل دا عايز يودينا فى دهيه ايه اللى دخل صحة الرئيس فى الدعاء لأن ممكن بكل بساطه أى حد يقول أمين يكون شاكك أن الرئيس تعبان لا سمح الله و دا حيدخلنا فى مشاكل لان أشاعة موت الرئيس لا سمح الله برضه طلعت أشتغاله و الراجل طلع زى الفل و انا يا جدعان واحد غلبان ولا انا صحفى و لا نيله يعنى لو أتخدت فى الرجلين مش حشوف الشمس تانى ولا فى حد حيزن على و تخيلت لثوانى أنى لو قلت أمين حأخرج من الجامع و الاقى البوكس مستنى و على نيابة أمن الدوله و هناك حتواجهنى تهمة تـكدير السلم العام و التسبب فى هروب الاستشمارات الاجنبيه فى العشر سنوات القادمة علشان قلت أمين دا اصلا لو عاملونى على انى انسان و خادونى على نيابة أمن الدوله !! و على أيه يا عم الحاج ، أنا اقف ساكت و محدش واخد بالو من حاجه وفعلا اليوم عدا على خير و زى الفل و روحت بيتنا و راح تليفونى رن تريرن تريرن ووصلت رساله من خدمة الاخبار
محكمة جنح العجوزة قد قضت في جلستها الخميس بالحكم بالسجن لمدة عام على كل من وائل الابراشي رئيس تحرير
اسبوعية صوت الأمة وابراهيم عيسي رئيس تحرير يومية الدستور وعبد الحليم قنديل رئيس تحرير اسبوعية الكرامة وعادل حمودة رئيس تحرير اسبوعية الفجر
يا نهار كحلى 4 رؤساء تحريرمره واحده من أكبر الصحفيين اللى فى البلد أتحبسوا سنه !! أكيد حد سمعهم و هم بيقولوا أمين
Post a Comment