Sunday, February 24

و الان مع موجز الانباء


اخبار اخرى

يعنى طفلة مصرية صغيرة اضربت بالنار على الحدود من ظابط أسرائيلى و ابو الغيط مطلعش قال حيكسر رجل حد زى ما عمل مع اخواتنا الفلسطنين !! ولا هو الموضوع فنجرة بوق وخلاص

سؤال و نفسى حد يجوبنى علية ؟ هو احنا عندنا كام زنزانة فى مصر !!! و السؤال دا علشان المسابقة بتاعت الحلقة انهاردة !! أذكر عدد الاخوان الذى تم القبض عليهم فى شهر فبراير ؟

ملحوظة / لا تستخدم الارقام الرسمية التابعة لوزارة الداخلية ....

ملحوظة رقم اتنين / فى حالة انك حسبتها و جاوبت صح وزارة الداخلية سوف تتيح لك الفرصة انك تعدهم واحد واحد و على مهلك اوى


بعد ان قام العقيد معمر القذافى بطرح فكرة الغاء الحكومة و توزيع عائدات البترول على الشعب !! طيب بعد البترول ما يخلص حتعمل ايه؟ و بعدين لما يكون مثلا وزير خارجية موزميق جى يزور البلد يقعد مع مين !!! يتصل ب 140 دليل

____________________________

يدخل المذيع الى الاستديو و قد نكش شعرة و هو بيبرطم و بيشتم كل من تسبب فى ادخالة كلية الاعلام ليعمل على تصدير الحزن و الاحباط الى جموع المشاهدين يوما بعد يوم
!!

بعد ان حكم فيدل كاسترو كوبا لمدة 49 سنة !!و نجا من أكثر من 400 محاولة أغتيال قرر ان يتنحى عن الحكم لأسباب صحية !!! يقوم ايه اللى يحصل بعد كدا يتولى اخية راؤول كاسترو حكم البلاد على ان يستشير اخوه الكبير فى القرارات الكبرى !!! يلا يا جماعة كل واحد عنده كلمة قبيحة يقولها


بعد انتشار الانباء عن فوضى بيع الاسلحة فى السوق السوداء فى لبنان سواء الكلاشينكوف الروسى او ال أم16 الامريكى اتضح ان مشكلة لبنان هى الميكروفونات الكتيرة !! يبدو ان هناك مجموعة كل هدفها ان يبقى الحال كما هو عليه لمصلحة مين مش عارف


الحكومة بتلعب ماتش مع الاخوان و هى اللى بتحكم فى نفس الوقت و بالرغم من انها (بتطرد ) منهم بالمئات الا ان الاخوان بيلعبوا بنفس القوة تقريبا مع وجود بعض الاصابات و الماتش مستمر حتى أشعار أخر


بعد ان طالب احد المحاميين بأسقاط الجنسية المصرية عن عصام الحضرى (!) هناك من يقترح ان نبعث بفرقة من الصاعقة علشان تخطفة و تجيبه يلعب فى الاهلى تانى ...

بعد أختفاء السفينة المصرية بدر 1 و بصراحة مش عارف هى أختفت ازاى بس الكلام الرسمى انها أختفت, مصر تقرر الاستعانة بالشيخ المبروك لفك النحس و تحضير عمل مكتوب على خف جمل للمساعدة فى أيجاد السفينة التائهة.


اضطرت بعض المحافظات المصرية الدخول فى مرحلة الرغيف الالكترونى و سوف يتم أصدار كارت لكل مواطن و الى حين اصدار الكرووت سوف يتم أيقاف انتاج الرغيف المدعم الى اشعار اخر !! و ابقو قابلونى


خرجت بعض المظاهرات فى العديد من المدن المصرية للتنديد و التشهير بالعدوان الغاشم الذى قامت به أدارة برنامج ستار أكاديمى (بخلع ) الشاب المصرى من البرنامج فى النومينية الاخير و طالبت بتوجيه انذار شديد اللهجة الى السفير اللبنانى على ان لا يعودوا الى هذا الفعل المشين مرة اخرى


بعد نجاح حملة الاعلانات التى يقوم بها الممثل محمد شومان لصالح مصلحة الضرائب قررت وزير المالية الاستعانة بدكتور نفسى لعلاج موظفيين الوزارة !! و بصراحة مش عارف حا يتعلجوا من ايه !! من كتر عد الفلوس


حالة من الرضا تجتاح الشرق الاوسط بعد اعلان معظم المواقع العربية الاخبارية عن قرب رؤية بريتنى سبيرز لطفليها بعد خروجها من المصح العقلى !! و نحن من موقعنا هذا نتوجه بالشكر الى كل من اصحاب المعالى و فخامة الرؤساء و الملوك و كل من ساهم فى حل تلك الازمة


و فى ختام هذة النشرة نذيع على حضراتكم بيان بأسماء و عناويين بعض من افضل الاطباء فى عالم الطب النفسى و شكرا
Post a Comment