Monday, August 25

بحب بنت اسمها نانسى

هو انا بحبها
امال ليه كنت ببعد عنها
و ليه دايما بعمل نفسى مش ببص عندها مع انى حافظ مشيها
واقول لنفسى لا يا واد انت بس معجب برسمها
معجب ايه بس ما هى دايما شغلا بالى ونفسى اروحلها
معقول تكون حبتنى يومها
يوم ما اول مرة شوفتها
يوم ما بصتلى و بصتلها
يوم ما قالتلى ايوه من غير ما تطلع كلمه واحده منها

انا لسه حافظ انا كنت قاعد فين و هى فين و الناس راحوا فين بعد ماشوفتها
يوم مالمست اديا اديها ورقصنا فى دنيا انا بس الى عشتها

هو فات كام سنه
سنه اتنين تلاته اربعه
ايوه هما اربعه

معقول تكون بتفكر فيا بعد ما خدتنى الايام منها
هى الايام خدتنى ولا انا الى مشيت و سيبتها

مش عارف حتعذرنى ولا حتقولى خساره فيا حبها
اه لو تعرف انا ليه خفت اقرب منها
اه لو تعرف كام مره كنت بعدى جمبها
واقول ياريتنى اكون ظلها
اه لو تعرف ايه كان بيحصلى لم كنت بشوف النظره ايها منها
نظره بتقولى انت خنت واحدة مش حتلاقى زيها
نظره كانت بتقطعنى لما اشوفها من واحده مكنتش اعرف اني مش حاقدر ابعد عنها
وقعت بلسانك يا شاطر اكيد انت بتحبها
ايوه منا عارف انى بحبها
بس خايف دلوقتى اقرب تفتكر انى بلعب بقلبها
و انى رجعت لما شوفت الشوق جى من عندها
انا عارف انى بحبها اكتر شويه منها
بس مش عارف ليه خايف ابينلها
مع انها زى الملايكه فى ردها
كل الى اقدر اقولوا انى بحب بنت اكيد مفيش زيها
ليه مفيش زيها هو انت يعنى كلمتها
عمرى ماكلمتها بس سمعت همسها
همس ممكن تسرح فيه ليالى اد سنين عمرها
همس يوديك بعيد دنيا تانيه مترجعش منها
دنيا عاشها ناس كتير لما وقعوا فى حبها
بس هى سابت الناس كلها
وجاتلى لحد عندى بقلبها
كل الناس الى حسوا قالولى يا بختك دى مافيش اطيب منها
قال يعنى انا ماكنتش اعرف حاجه عنها
دا انا حافظ كل كلمه و كل نظره و انا قاعد بعيد ب 100 متر عنها



شكرا لكل التعليقات المشجعه بس احب اقول انى كتبت البوست دا من 3 سنين مثلا و حصلت حاجات كتير اوى بعده و كل سنه و انتم طيبين
Post a Comment