Sunday, November 30

و يسألونك عن الوقاحه

والله مسكين بقي انت ما تعرفش عمرو الكفراوي اللي هو اشهر مصمم اغلفه في مصر وماضي عقد احتقار مع الشروق ومادمت بتشتري كتب كتير كده ازاي ما تعرفش ومعظم الاغلفه من تصميمه انت بقي مين بطلوا تدعوا انكم اصحاب حق لتلميع نفسكم علي سمعه ناس بتبدع بجد وعلي فكره عمرو من رواد البورصة وسهل جدا انك تاخد الصوره من علي الغلاف وتلعلب فيها وتقول انها الاصل
أحمد عامر
رئيس تحرير دار الناشر

بهذه الكلمات ذيل الاستاذ أحمد عامر رئيس دار الناشر بوست سابق خاص بسرقة احدى صورى و طباعتها على غلاف احدى المجموعات القصصيه التى نشرتها الدار التى يرأسها هو !! و صراحة لم انتبه للتعليق حتى نشر الاستاذ شقير التعليق فى بوست خاص بالسرقات و لا اجد الكلمات المناسبه لشكره , و لكن بالنسبه للأستاذ احمد عامر احب اوضحله

اولا : ان الصوره موجوده على موقع فليكر من شهر مايو 2006 و الكتاب صدر فى سبتمبر 2008 يعنى من المستحيل انى اخد الصوره من الغلاف و بعدين ارجع بألة الزمن و انزلها على الموقع !!

ثانيا : انا متأسف جدا انى مكونتش اعرف الاستاذ عمرو الكفراوى قبل كدا !! بس الحمدلله الراجل بادر بالتعارف و اخد الصورة و اشتغل بيها و اخد عليها فلوس من غير ماياخد اذنى !! بذمتك فى معرفه احسن من كدا + سواء الاستاذ عمرو ماضى عقد احتكار مع الشروق ولا مع مانشستر يونيتد دا مايدلوش الحق انه يشتغل بصورتى من غير اذنى ... انا مش هاتكلم على عمرو تانى لأنى سبق و اتكلمت !

ثالثا : احتكار بالـ ك مش بالـ ق

رابعا : صدقنى تعليقك لم يكن يستحق عناء الرد عليه !! لكن لازم التنويه

Post a Comment