Monday, August 17

أمر واقع



صدق مين قال مصر بلد العجايب ... لا أدرى كم من المرات أقسمت على أننا أعجب شعوب العالم و أكثرهم قبولا بالامر الواقع !! والله انا فكرت ندخل بالشعب المصرى مسابقة عجائب الدنيا السبع الجديده !!! أنهارد الصبح واحد صحى من النوم اتصل بسلطات مطار القاهره و أمر بتنفيذ القرار الصادر عن مجلس الوزراء بمنع المعتمريين أقل من 25 سنه و ازيد من 65 سنه من السفر !! القرار فى حد ذاته لا غبار عليه لكن التطبيق دون التنسيق مع شركات السياحه خلف حاله من الهلع و الصراعات فى صالات مطار انهارده !! حالات اغماء و زحام غير عادى !! حالالات تخبط غير عاديه دفعت بمعظم المسئوليين الى ترك مكاتبهم هربا من المعتمريين الغاضبين !!حتى الظباط فص ملح و داب بضعة الاف من البشر تجمعوا فى مكان واحد لا يستطيعون التحرك من شده الزحام !!! اذا كنت احد المسافريين المسموح لهم بالسفر قد يستلزمك اكثر من نصف ساعه لعبور مسافة 100 متر فقط داخل الصاله من شدة الزحام !! الاف البشر قد أتو من عدة محافظات بملابس الاحرام يحلمون بزيارة بيت الله الحرام مع ذويهم لكن لم يكتب لهم الا مشاهدة عساكر الأمن المركزى


**************************
السؤال بقى أشمعنى القرار أتنفذ انهارده !؟
ليه مش امبارح
ليه مش اول أمبارح
**************************
علشان بابا حسنى كان مسافر عند أنكل أوباما امبارح الصبح و الباشاوات مش عايزيين اى قلق و بابا مسافر !! استنوا لما باب يسافر و بعدين اعملوا اللى انتوا عايزينه , الرحمه من عندك يا رب
Post a Comment