Saturday, November 7

خارج النص

اخيرا وصلت كوكب الأرض ,اخيرا إكتشفت انى مجرد إنسان عادى ,جزءصغير من معادله بيحاول اضفاء اهميه لدوره للحصول على جزء من النتائج او من الأرباح ,مش بحاول أكون كئيب !! اطلاقا مش انا خالص على فكره , انا طول عمرى مثال التفاؤل و الضحك و الفرفشه بس مره واحده لاقيتنى فاضى من جوه !! حصلى حاجه كدا مش فاهمها لحد دلوقتى يمكن دا علشان اخدت على دماغى تلات اربع مرات ورا بعض !يمكن علشان فوقت من الغيبوبه اللى انا فيها , مش عارف ... مشكلتى بقى دلوقتى تتلخص فى انى مش عارف !! اى إنسان فى الدنيا ممكن يكون مش عارف عادى يعنى بس انا لا !! انا مبسبش موضوع الا لما احشر مناخيرى فيه و ارغى و اقول رايي !! مره واحد بقيت مش عارف .. اجابات كتير جوايا اتغيرت .. مفاهيم كتير اتلخبطتت و ناس فقدت اهميتها دفعه واحده بدون سابق تخدير !! الحاله دى بقى زادت بعدت مارجعت من طابا قريبا !! أصابتنى حاله من السكوت المريب !! كان عندى استعداد اكمل حياتى هناك و مارجعش هنا ابدا .. هدوء غير طبيعى... كنت مفتقد الهدوء جدا ...يمكن اكون اتجننت يمكن يكون عندى برد !! مش عارف .. النتيجه الى بوصلها فى اخر كل موضوع انى مش عارف .. مش عيب انى اكون مش عارف .. مش عيب انى اكون ملخبط .. بتحصلنا كلنا صح؟ المهم ايه اللى بعد كل الجنان دا
Post a Comment