Wednesday, January 12

متى يرحل حبيب العدلى ؟

الحاجه الوحيده الأكيده فى موضوع حادثة قطار المنيا ان وزارة الداخليه هتطلع بيان كاذب ... زى ماقالت نواره نجم تنظيم القاعده بقى له مصداقيه عندنا أكتر من وزارة الداخليه ... بلد عايش فيها 80 مليون بنى أدم و مفيش مؤسسه او جهاز واحد محترم عنده معلومات مؤكده عن أى حاجه .

عزيزى المصرى قدامك اكتر من إختيار علشان تريح دماغك من دلوقتى بدل ما تستنى بيانات كدابه و ضحك على الدقون , حادثة قطار المنيا 
  1. مخطط إسرائيلى و الواد امين الشرطه دا جاسوس
  2. ماس كهربائى
  3. الواد امين الشرطه دا من القلة المندسه
  4. امين الشرطه مجنون
  5. المسيحيين هم اللى دفعولوا علشان يقتلهم و يبان انهم مظلومين
  6.  الضحايا زمالكويه و أمين الشرطه أهلاوى
  7.  القطر فرمل فجاءه فانطلقت سبع رصاصات على مسيحيين بس
  8. امين الشرطه كان بيلعب مع الضحايا عسكر وشعب
المهم ان مفيش فتنه و مفيش تعصب و أكفى على الخبر مجور 
سؤال غير برئ .. لماذا لم نرى القصاص العادل فى قتلة المصريين فى نجع حمادى حتى الأن ؟

و متى يرحل حبيب العدلى ؟
Post a Comment