Saturday, February 19

شاركت فى الصورة ؟ - لا شوفتها فيديو


عزيزى مشاهد التليفزيون .. ايوه فعلا الثورة نجحت و حضرتك كنت بتتفرج على التليفزيون , فى مئات ماتوا فى الشارع علشان حضرتك تعيش بكرامه و ولادك يتربوا كويس و تتعامل بإحترام و تعبر عن رأيك بحرية , في ناس ماتت و فى ناس فقدت عينيها و فى ناس فقدت ولادها و أخوتها علشان حضرتك تكون إنسان محترم , فى ناس ضحت بروحها علشان العالم كله يرجع يحترمك تانى , عزيزى مشاهد التليفزيون فى ناس ماتت علشان تجبيلك حقك و انت يادوبك نزلت أتصورت مع الدبابات
أرجوك كل ما أطلبه منك ألا تحجر على رأى أحد و لاتقول يمشوا ولا يقعدوا و انت لسه قاعد فى بيتك , إنزل الشارع و إتناقش و أعرف الناس بتفكر إزاى قبل ما تتكلم و انت قاعد قدام شاشة الكمبيوتر و فاكر نفسك بتفهم , إنزل الشارع و أتكلم مع واحد فقد عينيه علشان تعيش محترم و إفهم هو ليه لسه سايب بيته و أهله و بينام على الرصيف فى الشارع


فى كل بلاد العالم هناك مساحات للحرية يجلس فيها من يجلس بالشهور و السنين دون ان يزعجهم أحد .. تلك هى الحرية فتعلموها او أبحثوا على الأنترنت عن كلمة الحرية علكم تفهمون

الى من لا يعلم أهداف ثورة 25 يناير 
تغيير - حرية - عدالة إجتماعية

Post a Comment