Wednesday, May 18

عزيزتى مصر .... شو ها المسخرة ؟




فاكرين القناصيين اللى كانوا بيضربوا المصريين وقت الثورة لسه عايشيين فى وسطنا و محدش عارف مين دول ... تن ترارار تن تن


عارفين حسنى مبارك اللى أعطى الأوامر بإعدام 850 شاب مصرى فى يوم واحد بالرصاص الحي فى الشارع , عارفينه عايش فى شرم الشيخ ... تن ترارار تن تن


عارفين شهداء الثورة اللى ضحوا بحياتهم علشانكم , عائلتهم لم تحصل حتى على تكريم لائق  ... تن ترارار تن تن


عارفين مصابيين الثورة , اللى منهم فقد عينيه و مش هايشوف تانى و اللى لسه مرمى فى المستشفيات و اللى اتشوه و حياته كلها اتغيرت , ولا أخدو   تعويض  ولا حتى تكريم  ... تن ترارار تن تن


عارفين العيال السيس اللى كان وقت ما الناس بتتقتل فى كل حته فى مصر و هم بيقولوا ارجعوا بيوتكم و مش حاجه هتحصل دلوقتى بيقولوا احنا اللى عملنا الثورة ... تن ترارار تن تن


عارفين سوزان مبارك , اللى كانت بتلعب شطرنج بالوزراء و كانت بتشيل و تحط على كيف ابوها علشان ابنها يحكم مصر , سوزان مبارك دلوقتى حره بعد ما اشترت المصريين ب 24 مليون جنيه ... تن ترارار تن تن


فاكرين أحمد شفيق " ابو بلوفر " اللى سهل تهريب مليارات المصريين و بعد كدا رفض انه يطالب البنوك الأجنبية بوقف ارصدة المسئولين الفاسدين لغاية ما فلوسنا اتهربت على بنوك فى إسرائيل و الخليج ... احمد شفيق دا بقى حُر و عايز يرشح نفسه فى الرئاسة ... تن ترارار تن تن


ظباط البوليس بعد اكتر من 100 يوم من قتلهم لـ 850 شاب مصرى و تشويه الالاف لسه زعلانين و عايزيين حد يطبطب على ******* علشان يرجعوا يشتغلوا ... تن ترارار تن تن


فودافون , موبينيل , إتصالات + شركات الإنترنت ... قطعوا عننا الإنترنت و الإتصالات بإتفاق مسبق مع الحكومة  و الخطوة دى هى السبب الاول فى حالة الإنهيار الأمنى اللى حصلت ... و بعدين عادى بقى خلاص  ... تن ترارار تن تن


فتحى سرور اللى أفسد الحياة السياسة المصرية عن طريق تفصيل و تمرير قوانين خربت و باعت البلد على مدار عشرات السنين ... حُر و طلع ماعندوش فلوس علشان فى أجهزة رقابية ***** مش بتشوف شغلوها ... تن ترارار تن تن


الجيش اللى اتضرب فى ميدان التحرير يوم 28 يناير لما حاول يستخدم العنف مع المتظاهرين بعد  ما الشرطة قتلت 850 مصرى   و بعد كدا وقف حولين المتظاهريين و قلهم هنحميكوا و بعدين سمح بموقعة الجمل  سمح لبلطجية بمهاجمة اشرف ناس فى مصر لمدة 24 ساعة بكل انواع الأسلحة و القناصة على امل انه يقتل الثورة و يرجع حسنى تانى , وبعدين الناس الطيبة قالت الجيش و الشعب ايد واحدة اول ما مسك الُحكم بقى يضرب المصريين و يعذبهم  و شغال محاكمات عسكرية على المعتصميين و المتظاهرين و سايب ولاد القحبة اللى نهبوا البلد عشرات السنين و بيقولك  الجيش لا يتدخل فى هيبة القضاء المصرى العظيم ... تن ترارار تن تن

الإعلام المنافق المحرض المعر*  بيمارس نفس دوره التحريضى و زى مما كان بيطبل للمخلوع بيطبل للجيش و عملوهم زى الهة الإغريق لا يحاسبوا و ليس من حق أحد الإعتراض على افعالهم السماوية ... ... تن ترارار تن تن






حد عارف دا بيحصل ليه ؟
Post a Comment