Friday, May 17

إخلع يا فندم !



إمبارح الصبح كنت رايح المهندسين من مدينة نصر و عديت على الشارع اللي بين الجندي المجهول وقاعة المؤتمرات , بالرغم من ان الساعه كانت 9 و نص الصبح الا إن كان في مئات من مشجعي نادي الزمالك واقفين في جانب الشارع, مفهمتش ماتش ايه الي في  الساعه دي  ! ,كانت تجهيزات لمؤتمر وزير الرياضة.

إعتراض الوايت نايتس على قرارات الوزير بتعيين لجنة لإدارة نادي الزمالك جاء في شكل الهجوم على مؤتمر وزير الرياضه اللي كان بيعلن عن إستراتيجية الوزارة , في الأخر الوزير مالحقش يعلن عن اي حاجه لأنه خلع 


الجزء المثير بالنسبة لي , كان سحب مراسل التيلفزيون المصري للمايكروفون من امام الوزير اللي فضل يبص له في ذهول قبل ما تقع مايكروفونات تانيه ثم تتوالي سحب أجهزة التسجيل ! في أشارة واضحه ان المايكروفون العُهدة أهم من العلقة اللي هياخدها الوزير نفسه ,  الإحترام لا يفرض .. يُكتسب
Post a Comment