Monday, September 2

وحدات تعليم مستقله





لفترة طويلة كان حلمي تحديث طريقة تعليم "مستقلة" و حديثه معتمده على وسائل اتصالات قليلة التكلفه و ابدأ انفذها في مدرسه صغيره في الجنوب و لو الفكرة نجحت تكبر , في منتدي استوكهولم للإنترنت من كام شهر ممثل تاني شركة اتصالات في بنجلادش  عرض علي دمج الفكرة مع مجموعة مدارس بيصرفوا عليها في المناطق البعيدة عن المدن و فعلا فتحوا اكتر من مدرسة بإمكانيات بسيطه في مناطق مفيش فيها مدارس و بيستخدموا محليين في توجيه الطلبه اللي بيدرسوا عن طريق فيديو كونفرانس بسيط عن طريق مدرسين متخصصين في العاصمه , الفكرة الأساسية هو تصميم اماكن بتصميمات ذكية و بسيطه لإستيعاب المتسربين من التعليم لعدد ساعات قليل يوميا مع الإستعانه بمناهج وضعها متخصصين في النوع دا من التعليم و في نفس الوقت ممكن يستخدم الأماكن دي مجموعات محو الأميه للكبار .... الهدف هو زرع اماكن بسيطه حديثه للتعليم في الأماكن المعزوله و البعيده

الصور اللي استخدمتها هنا لبيوت او وحدات اتبنت من كونتينرات الشحن , معرفش اذا كان في طريقه اسهل من إعادة إستخدام لكونتينر  , اتمنى للو حد ممكن يقترح او يساعد في تنمية الفكرة هنا في مصر يتفضل يساعد



Post a Comment