Sunday, October 6

حرب أكتوبر | مصر 3 - 2 إسرائيل





ذكرى حرب أكتوبر بتكون فرصة رائعة لعرض الجهل عند البعض في محاولة لإثبات ان مصر خسرت الحرب ! مش عارف يمكن من واقع عدائنا مع دولة  "العسكر" مثلا بيحاول البعض انه  يقلل من قيمة حدث مهم في تاريخنا , بكل صراحة بالنسبة لي دا موقف غريب جداً , انا متفهم ان النخبويين عامة دايما عنيهم دايما على حساب او تمجيد السُلطة لكن اننا نخلط الأمور و نعتبر اننا مش لازم نصدق اللي "العسكر" بيقلولنا عليه دلوقتي لأنهم أستخدموا إعلام بطريقة مُضللة في اوقات زي الحرب النكسة مثلا , يا ريت نفكر دقيقتين و نفتكر " هو في اي نظام في العالم لم يستخدم الإعلام في التضليل ؟" , هل دا معناه اننا لم ننتصر في حرب أكتوبر 
حرب اكتوبر كانت اكثر من معركة , مصر و سوريا انتصروا في معارك و إسرائيل كسبت في معارك تانيه , عبور 23 الف جندي مقاتل مع دباباتهم و مجنزراتهم  خلال 3 ساعات لقناة السويس هو "إنجاز" حربي يُدرس , إستخدام مصر لصواريخ سام و ضرب الطيران الإسرائيلي أعتبرته إسرائيل هزيمة ساحقة لها ,معركة الدبابات في الضفة الشرقية اللي خسرت مصلر فيها 265 دبابة تقريبا كانت هزيمة لمصر , معارك ما قبل الثغرة اللي واجهت فيها مصر الدبابات الإسرائيلية عند"المزعة الصينية" , الثغرة اللي استطاع فيها اريل شارون العبور بدبابته خلف خطوطنا كانت انتصار لإسرائيل , فقدان العديد من الدبابات الإسرائيلية اللي اخترقت الثغرة كانت إنتصار لمصر , قطع الإمدادات عن الجيش التالت المصري كان انتصار لإسرائيل,!  كادت ان تقوم حرب نووية بين امريكا و روسيا و رفعت أمريكا مستوى الإستعداد للحرب النووية و كانت حاملات طائراتها المزوده بأسلحة نووية في شرق البحر المتوسط , ثم الضغط العربي و الروسي على الأمريكان لدعم وقف إطلاق النار بعد ما تقدمت القوات المصرية عشرات الأميال في عمق سيناء, يكفي ان لأول مره منذ 1948 مصر و سوريا كانوا المبادرين لتحرير اراضيهم المحتلة  , طبعا حصل خسائر  , لكن لما بنتكلم عن حرب كان فيها مكاسب و خسائر أظن من الهيافه و الجهل ان البعض يحاول يصور ان مصر خسرت الحر امام إسرائيل في 6 اكتوبر 1973  في المطلق كدة.
Post a Comment