Saturday, November 9

كفر الشيخ طلحة



انهاردة كان يوم ظريف بالنسبة لي بالرغم من انه كان متعب , لكن كنت مبسوط اني اول مره ازور محافظة كفر الشيخ  , و أكتشفت ان المحافظة لا يطبق بها حظر التجوال زي باقي المحافظات من بعد 14 اغسطس , انهاردة كان اول يوم جمعة من 3 شهور اكون ماشي في مدينة زحمة بعد الساعة 7 بليل 

بصراحة من اول ما وصلت و انا عايز اعرف مين هو الشيخ اللي اتسميت المحافظة على اسمه و بحسب ويكيبيديا سميت المحافظة بهذا الاسم نسبة إلى الشيخ طلحة أبي سعيد بن مدين التلمساني المغربي الاصل الذي قدم إليها سنة 600 هجرية ودفن بها بالضريح المقام بمدينة كفر الشيخ.

 نزلت مع متطوعين HarassMap خريطة التحرش الجنسي في كفر الشيخ في حملات التوعية عن التحرش , حاجة مهمة اوي افتكرتها و انا ماشي مع الشباب في الشارع و هم بيتكلموا مع اصحاب المحلات , التطوع في مبادرة بتشتغل في الشارع بيسيب اثر ايجابي عظيم عليك زي ما بيسيب اثر ايجابي في الشارع , الإنترنت و الميديا ممكن يساعدوا انك توصل فكرة بس التغيير الحقيقي بيبتدي في الشارع !


volunteer@harassmap.org
 لو حابب تتطوع مع الحملة ابعت هنا
Post a Comment