Monday, January 13

الـ 23 طريقة لقضاء وقت فراغك يوم 14 و 15 يناير



خلاص مولد سيدي "نعم للدستور" بيخلص , ايوة هو اسمه "نعم للدستور" حته واحده لأن التجربة أثبتت ان "لا للدستور" يعني انت مش معانا , انت اخوان و هناك مجموعة من الإتهامات جاهزة في حالة وقوفك امام ذلك العُرس الديمكراطي وزارة الداخلية المصرية اثبتت ان الدعوة بالتصويت بـ لا على الدستور جريمة عندما تم القبض على شباب من اماكن مختلفه لأنهم يحملون ملصقات لا للدستور

انا مش عارف الناس دي عايزه ايه ! دستور و اتعمل , طارق نور و اخواته عاملين اكبر حملة في تاريخ الإعلان علشان "نعم للدستور" , ثم تصريحات اللي قبل الإستفتاء بكام يوم , بعدها كل خبير او غفير بيطلع في الإعلام بيقولنا ان المشاركه في الاستفتاء تعني التفويض له بالترشح !

كلامي لكل الأوغاد اللي عايزين يخربوا العُرس ! الدستور هتطلع نتيجته بـ "نعم" بغض النظر عن اي مظاهرات , محاولات تخريب , و بغض النظر عن نزولك من بيتك اصلا !

و عملا بنظرية " اللا مؤاخذه بتجيبه اللا مؤاخذه" اتركوا ما للسيسي للسيسي و ما لجمهور التيلفزيون لجمهور التيلفزيون , و عملا بالمادة ال 24 من الإعلان العالمي لحقوق الإنسان التي تنص على "الحق في الراحة و اوقات الفراغ" إليكم 23 طريقة لقضاء اوقات فراغكم في يومي 14 و 15 يناير بدل ما تضيعوا وقتكم في الكلام الفاضي مع التأكيد على عدم متابعة التليفزيون او مواقع التواصل الإجتماعي تحت اي ضغط.


1- طريقة عمل الفشار بالكراميل "كراميل بوب كورن"


2- ممارسة اليوجا مع الإستماع لموسيقى هادئة




3- إعادة تدوير البرطمانات 




4 - املى البانيو مياه ساخنه و ولع شمع و اقرأ كتاب 


5- جرب طريقة عمل مهلبية "القرع"




6 - أقرأ كتاب في مجال جديد عليك 


7- أتفرج على أفلام كارتون 


8- أتصل بأرقام ناس ما تعرفهمش و جرب تبيع لهم منتجات من خيالك


 9- أتصل بماكدونالدز و أسألهم عن نسبة الكاوتش في الهامبرجر 



10 - اقرأ اكتر عن الثقافة الجنسية 


11- جرب تحرك الحاجات بقوة عقلك الباطن "متجربه و نجحت"



12- أتصلوا بأصحابكم و وروحوا اتبروعوا بالدم 

13- جرب تاكل الهوا او  تمسك الدبان و الناموس بكيس فاضي , 

14 - جرب تتكلم من بطنك


15 - فكر في فكرة جديدة ممكن تحولها لمشروع 



16- اعمل خيمة بالبطانيات و الكراسي "ممتعة جدا مهما كان عمرك"



18 - اكتب قصة قصيرة 

19 - اشتري اكل و دور على حد في الشارع تاكلوه سوا 

20 - أزرع زرعه 

21 -  كُل شكولاته و انت بتشرب قهوة لوحدك

22- وضب الدولاب

23- تابع موقع "مشاهد القاهرة" 



Post a Comment